Eru ekki allir búnir að gá í geymsluna sína hvort þar liggi kannski gömul myndasögublöð sem gætu verið gulls ígildi? Eintak af fyrstu útgáfu af Superman myndasögublaði frá 1938 var selt fyrir metfé eða eina og hálfa miljón dollara 29.mars 2010 sem er hæsta verð sem greitt hefur verið fyrir myndasögublað. Nafnlaus kaupandi keypti eintakið af Action Comics nr 1 frá 1938 á netinu á uppboðssíðu ComicConnect.com. Talið er að innan við 100 eintök af Action Comics nr 1 séu enn til í heiminum. Uppboðssíða Comic Connect hafði áður keypt blaðið á uppboði frá einkasafnara. Myndasögublaðið þar sem Ofurmennið kemur fyrir augu lesenda í allra fyrsta sinn sló nokkurra vikna gamalt met myndasögublaðsins Batman sem selst hafði á 1 milljón og 75 þúsund dollara. Til gamans má geta að upprunalega útgáfa júníheftis Action Comics var selt á 10 cent. Lesendur Bleks gætu kannast við forsíðumyndina á þessu blaði en það var Blek-meðlimurinn Jón Ingiberg sem gerði eftirminnilega auglýsingu fyir Epal sem byggð var á henni og birtist í Bleki nr.2.
Smellið hér til að skoða fyrsta blaðið með Superman!
Smellið hér til að sjá auglýsinguna hans Jóns fyrir Epal
Myndasögumarkaður