Við þökkum öllum þeim sem tóku þátt í leiknum okkar í ár en 20 heppnir þátttakendur geta farið að hlakka til því búið er að draga úr pottinum sem margir duttu í og þeir sem heppnir eru geta haft kósi um jólin og lesið eina af skemmtilegustu jólabókunum í ár.
Þeir eru:
Jórunn Helena, Fjóla Jónsdóttir, Hrund Þórarinsdóttir, Begga og Tóti, Laufey Lárusdóttir, Ingibjörg Birgissdóttir, Þórdís Pon, Hrafnhildur Lofsdóttir, Selma Guðmundsdóttir, Snædís Baldvinsdóttir sem vinna sér inn bókina Lóu.

Arfinnur Jónasson, Gujón Sigurðsson, Kristján Ármannsson, Gunnar Júlíusson, Atli Laugdal, Elías Melsted, Eyþór Hauksson, Ástráður, Guðvarður Steinþórsson María Sigureyjardóttir sem vinna sér inn bókinaTímaflakkarar.

Við óskum þeim til hamingju og gleðilegra jóla.

Fleiri leikir verða í framtíðinni. Ekki missa af þeim!

Myndasögubókin Goðheimar Veðmál Óðins er komið út hjá Iðunni.

Þetta er þriðja bókin í seríunni sem Peter Madsen hefur teiknað fyrir 30 árum síðan. Í þessari bók hafa Valkyrjur það hlutverk að velja hugrakka bardagamenn í lið Óðins sem mun að lokum verja heim goða gegn jötnum. En Óðinn er ekki ánægður með kappana sem þær útvega honum og veðjar við þær að sjálfur geti hann farið til Miðgarðs og fundið þrjá vaska menn sem slái öllum öðrum við. Verkið er þó flóknara en Óðinn ímyndaði sér og hann tefst við leitina. Á meðan hrifsa bræður hans til sín öll völd í Valhöll og gera afdrifaríkar breytingar.
Forlagsverð: 2.590 kr.

Nýjasta myndasögublaðið NeoBlek er komið í bókaverslanir.
Tvær nýjar myndasögur „Aldebaran“ og „Gátan um Jötuninn“ hefja göngu sína. Í þessum sögum er hins vegar um framtíðarsögu árið 2079 á fjarlægri stjörnu frá jörðinni að ræða og annars vegar um annar tilvistarheim á okkar tíma. Aldebaran  er tilfinningaþrungin saga sem spannar 5 bækur en við munum birta fyrsta kaflan. Mannfólkið er rétt ný lent þar og dularfullir atburðir gerast, en dýraríkið er enn litið kannað. Kim, ung og djörf stúlka, og vinur hennar Magnús fara til höfuðborgarinnar í leit að svörum. Gátan um Jötuninn er af öðrum toga þar sem tvær ungar manneskjur heimsækja hliðarheim mannanna. Heimur smáa fólksins. Hetjurnar tvær Pálína og Erwan hittast. Skrítið hvernig hlutirnir gerast í lífinu, en frá þessari stundu verður Pálína ekki söm manneskju og áður. Síðast skildum við við Marbourg og Elísabet í löngu ferðalagi um Spán. Þau eru komin á leiðarenda og hitta loksins svörtu riddarana sem leggja allt kapp á að finna 3ja testamentið. Til að bæta í flóruna er viðtal við ekki ómerkari mann en sjálfan Megas og hans áhuga á myndasögum.
Nýtt 72 tveggja blaðsíðna myndasögublað sem ætti að gleðja allra sem vilja lesa öðruvísi myndasögur.

Nýjar myndasögur munu birtast lesendum eins og "Aldebaran" og "Gátan um Jötuninn." Aldebaran hefur fengið mikið lof fyrir það að vera vísindaskáldsaga með mannlegt yfirbragð. Ung stelpa, Kim að nafni, er í aðalhlutverki á plánetunni Aldebaran-4 sem er í svipaðri stærð og gerð og Jörðin. Hún er staðsett í stjörnumerkinu nautinu þar sem bjartasta stjarna þess heitir Aldebaran. Það sem kemur mest á óvart í sögunni er að mannleg samskipti ræður ferðinni frekar en stjörnustríð sem fólk er vant að sjá. Dýraríkið er mjög fljölbreytt og spilar eitt aðalhlutverkið.

"Gátan um Jötuninn" er ævintýri sem gerist á milli heima. Menn og álfar hittast í hliðarheimi. Ung kona, Pálína er að fara í frí í smá þorp í Frakklandi. Fríið byrjar ekki vel þegar bíllinn sem hún fær lánaðan bilar. Erwan, ungur maður sem býr þar kemur eins og bjargvæntur og aðstóðar hana. En hann lumar á öðru sem kemur Pálínu á óvart. Álfar eru ekki langt frá...

Þeir lesendur sem hafa misst af síðasta blaði geta ennþá pantað það. Algjörlega frábært hefti sem er allt í lit!

Margir hafa spurt um námskeið í myndasögugerð sem myndasögur.is bíður upp á. Það hefur ekki verið tími enn sem komið er til að setja upp nákvæmt námskeið þess vegna er málið í biðstöðu. En það vantar ekki viljan hér til að gefa kost á sliku námskeiði þannig að við skulum bíða og sjá hvort þetta fari ekki í gang næsta vor. Við látum vita um leið og síðan er aðgengileg.
Á meðan bendum við á Myndlistaskólan í Reykjavík sem heldur svona námskeið fyrir krakka frá 10 til 16 ára.

Iðunn bókaforlag heldur ótröð áfram að endurgefa út Tinna í sama litla brotinu. Nú eru "Svaðilför í Surtsey" og "Dularfulla stjarnan" sem Íslendingar fengu fyrst í hendur 1971 komnar út á ný. Hugsa sér 40 ár! Tinni er kunnugur öllum mönnum sem lesa myndasögur og þarf ekki að sanna sig sem einn af bestu myndasögum samtíðarinnar. Við hvetjum alla til að lesa hann aftur og fyrir þá sem þekkja hann ekki, að ná sér í eintak hjá Iðunni eða að leita í hillunni hjá afa. Það leynast örugglega eintök af einhverjum titli sem Fjölvi gaf út á sinum tíma. Forlagsverð: 1.890 kr.

Undanfarin ár hef ég verið að lesa myndasöguröðinna Drúidarnir (fr. Les Druides) teiknað af Lamontagne eftir sögu Istin og Jigourel. Fyrsta sagan var gefin út í sex bókum og var það sjötta gefið út núna í lok apríl. Sagan gerist þegar menning kelta er að þurrkast út og þar með talin drúídarnir og kristnin er að ná yfirhöndinni. Sagan hefst á því að kristnir munkar eru myrtir og ýmis merki og tákn drúída er að finna í kringum líkin. Reyndur drúídi er fengin til aðstoðar munkunum til þess að finna morðingjann. Slóð morðingjans leiðir hins vegar til ýmisa goðsagnakenndra hluta sem dengjast drúídum og keltum.
Það sem fékk mig til þess að lesa myndasöguna voru teikningarnar hans Lamontagne, sem eru mjög flottar, einkum í fyrri bindunum. Hinir goðsagnakenndu drúídar eru einnig mjög áhugaverðir og til að byrja með er sagan áhugaverð, þar sem einskonar sakamálasaga er í gangi með dulmögnuðum atburðum. En fljótlega dettur botninn úr sögunni og maður hefur á tilfinningunni að sex bækur væri einfaldlega of mikið fyrir söguna. Höfundarnir hefðu frekar átt að hafa bækurnar færri og sterkari sögu. Sagan virðist vera sögð útfrá lærisveini hins reynda drúída sem leitar morðingjans, svona svipað og dr. Watchson hjá Sherlock Holmes, en þó alltaf í þátíð, þ.e. mörgum árum seinna, sem því miður dregur söguna niður. Sagan byrjaði vel en heldur ekki dampi. Að mörgu leiti hefur það líka með persónurnar að gera. Þær eru einfaldlega ekki nógu áhugaverðar.  Ég verð að viðurkenna að ég veit ekki hvort að ég er tilbúinn að lesa næstu sögu um Drúídan.