Stefán Ljósbrá

Stefán Ljósbrá fæddist árið 1975 og er uppalinn Hafnfirðingur. Andrés Önd og félagar kenndu honum að lesa þegar þeir fóru að birtast á íslensku. Auk álfa voru virkir félagar hans í æsku Tarzan, Lukku Láki, Köngulóarmaðurinn, Tinni, Súpermann, Svalur og Valur og Steini sterki en þeir voru allir búnir að læra íslensku á þessum tíma.

Árið 1995 lauk Stefán stúdentprófi af eðlisfræðibraut frá Flensborgarskólanum í Hafnarfirði og starfaði þá í stuttan tíma á Grafíkdeild DV en fór svo í verkfræði í Háskóla Íslands og með hjálp X-Manna og Spider-Mans útskrifaðist hann með B.Sc. gráðu í Rafmagnsverkfræði.

Leiðin lá svo til Karlsruhe í Þýskalandi þar sem hann kynntist Max og Moriz, og japanska einkaspæjaranum Canon. Hann útskrifaðist með Mastersgráðu í Rafmagnsverkfræði frá Háskólanum í Karlsruhe og starfar hjá litlu fyrirtæki, aquintos GmbH, við gerð hugbúnaðar til líkanagerðar á rafmagnskerfum í bífreiðum.

Árið 2009 var hann orðinn þreyttur á mörgum athlögum að teikniborðinu sem að flestar biðu ósigurs og fór að læra myndasögugerð. Fyrsta myndasaga Stefáns sem að birtist opinberlega var á þýskum vef tileinkaður myndasögum og bar heitið “Schwer zu tragen” (á íslensku Þung byrgði).